دعوهـ للوقوف على أطلال نسور

وللنّـوارس قصةٌ أُخــرى

ما لقى النورس .. أهل
و إنكسر فوق الصواري ..
بين غزل الأشرعة ..
من يمنعه ..؟!
ما ينتحر في هالزمان ..!!
ومن يحاول بس مره يقنعه ..
إن الوجوه اللي يشوف .. فعلاً وجوه ..!
ما هي مجرد أقنعه ..
بس من يقدر يقلّه ..
و يرشد النورس .. يدلّه ..
عن مدن ما فيها ليل ..!
وخلّ ما فارق ..!
وعاشق ما نسى في يوم خِلّه ..!
بس من يقدر يقلّه
لا تطير ..

مظلوم هالنورس كثير ..
يوم حي .. وعشره ميّت ..!
بس .. ميّت في جذور الحلم ..
والأرض اللي حبته .. وتربى بظلها
وهو صغير
قبل يتعلم يطير
ومد روحه .. وسط بوحه ..
وصار جيش من الأماني
وأعلن لكل المواني ..
إن في الدنيا أغاني .. ما تموت
لو يطول بها السكوت ..
وإن ذا حال النوارس
من خلقها الله
دايم في إغتراب ..
وفي المنافي ..
تنولد مره وتموت ..

تحيــاتي ے